Russiýada öýde ýa-da gezelenç eden wagtyňda ulanmak üçin ýanyň bilen göterilýän IWL apparatyny döretdiler
Russiýada öýkeni emeli usulda howalandyrýan ýanyň bilen göterilýän öý şertlerinde we gezelenç edilende ulanyp bolýan АИВЛ-Д apparatyny döretdiler. Ol Russiýanyň Rosteh döwlet korporasiýasy tarapyndan işlenip düzüldi.
Agramy 4 kg deň bolan uly bolmadyk gurluşy hem ulularyň, hem çagalaryň beden ýagdaýyna görä sazlap bolýar. Apparatyň ýanyna gurlan akkumulýator oňa zarýad almazdan üç sagada çenli işlemäge mümkinçilik berýär. Ol şeýle hem sessiz işleýär.
«Saglyk edarasynyň daşynda — öýde, gezelenç eden wagtyňda, bir ýerden başga ýere geçirilende bedeniň ýaşaýşyny saklamak üçin gurluşa bolan isleg häzirki günde aýratyn möhüm. АИВЛ-Д — Russiýada işlenip düzülen we öndürilen häzirki zaman, ykjam we ýeňil apparatdyr. Ony ulanmak ýönekeýdir we ol dem alyş funksiýalaryny goldamaga mätäç bolan hassa erkinligi üpjün edýär. 2024-nji ýylda gurluşyň synagynyň tamamlanmagyna we Roszdrawnadzor tarapyndan hasaba alynmagyna garaşýarys.» — diýip, Rostehiň ýerine ýetiriji müdiri Oleg Ýewtuşenko belliklerini aýtdy.
Häzirki wagtda apparatyň tehniki we kliniki synaglaryna taýýarlyk görülýär.
ORIENT habarlar
