Ýewropa kompaniýalary Türkmenistandaky “ýaşyl” tehnologiýalara maýa goýmaga meýilli
Türkmenistanyň maliýe we ykdysadyýet ministri Serdar Joraýew paýtagtymyzda iş saparynda bolýan Ýewropa parlamentiniň Merkezi Aziýa ýurtlary we Mongoliýa boýunça wekiliýeti bilen ýurdumyzyň hem-de Ýewropa Bileleşiginiň ýurtlarynyň arasyndaky ykdysady hyzmatdaşlygy berkitmek meseleleri ara alnyp maslahatlaşyldy. Duşuşygyň barşynda ýokary tehnologiýa önümçiligi, sanly ulgam we Türkmenistanyň Bütindünýä Söwda Guramasyna goşulmagy babatda hyzmatdaşlyk üçin uly mümkinçilikleriň bardygy bellendi.
Türkmenistanyň maliýe we ykdysadyýet ministri Ýewropa Bileleşiginiň ýurdumyzyň strategik hyzmatdaşlarynyň biridigini we geçen ýylyň noýabrynda “Türkmenistan – Ýewropa Bileleşigi” Bilelikdäki toparynyň 21-nji mejlisiniň üstünlikli geçirilendigini belledi. Wekiliýetiň başlygy Tomaş Zdehowskiý Ýewropa parlamentiniň energetika pudagynda hyzmatdaşlygy ösdürmäge gyzyklanma bildirýändigini we Ýewropa kompaniýalarynyň “ýaşyl” tehnologiýalara maýa goýmaga meýillidigini aýtdy.
Öz gezeginde, Serdar Joraýew Türkmenistanyň wodorod energetikasyny ösdürmegi maksat edinýädigini, bu babatda hyzmatdaşlyk üçin uly mümkinçilikleriň bardygyny belledi. Şeýle hem, ýokary tehnologiýalar boýunça Merkezi Aziýa ýurtlarynda, şol sanda Türkmenistanda hyzmatdaşlyk üçin şertleriň bardygy bellendi.
ORIENT news
