Özbegistanda GDA-nyň «Arkalaşygyň Çagalary» atly halkara medeni-bilim forumy geçýär
Özbegistanda GDA agza-döwletleriň «Arkalaşygyň Çagalary» atly sekizinji halkara medeni-bilim forumy geçýär – diýip, Arkalaşygyň Ýerine ýetiriji komitetiniň metbugat-gullugy habar berýär.
Bu ýyl GDA-nyň Parlamentara Assambleýasy tarapyndan gurnalan forum «Arkalaşygyň Çagalary»: wagtlaryň we nesilleriň aýrylmaz aragatnaşygy» şygary astynda geçýär.
Onuň çäklerinde oňa gatnaşyjylar öz ýurtlarynyň däpleri we dessurlary bilen tanyşdyrarlar. Forumyň baý maksatnamasy gezelençleri, sergileri, ussat-sapaklaryny, sport ýaryşlaryny, intellektual oýunlary, okuwlary, poeziýa agşamlaryny, sirk görkezişlerini, kinoseanslary öz içine alýar.
Forum 30-njy iýuna çenli dowam eder.
«Arkalaşygyň Çagalary» atly halkara medeni-bilim forumy Gyrgyzstanyň başlangyjy bilen döredi we GDA-nyň Parlamentara Assambleýasy tarapyndan goldanyldy. Ilkinji gezek ol 2013-nji ýylda Çolpan-Ata şäherinde bolup geçdi. Özüniň bar bolmagynyň ýyllarynda halkara forumyna 700-den gowrak mekdep okuwçylary gatnaşdylar.
ORIENT habarlar
