Aşgabatda köpgatly ýaşaýyş jaýlarynyň 12-si dabaraly açyldy
Iýun 22, 2023 | 11:52 |7059
Aşgabat şäheriniň Büzmeýin etrabynda her biri 4 gatda ybarat bolan ýaşaýyş jaýlarynyň birbada 12-siniň dabaraly açylyşy geçirildi. Ulanmaga berlen jaýlar özüniň gurluşyk aýratynlygy bilen şähergurluşygynyň üstüni ýetirdi. Bu barada resmi metbugat habar berýär.
Ýokary amatlyklary üpjün edilen ýaşaýyş jaýlary Büzmeýin etrabynyň Senagat köçesiniň ugrunda bina edildi. Olaryň töwereginde çagalar we dynç alyş meýdançalary, sport desgalary we maşgala däp-dessurlaryny geçirmek üçin ýerler göz öňünde tutulypdyr.
Aşgabat şäher häkimliginiň buýurmagynda bina edilen ýaşaýyş jaýlary häzirki zaman gurluşyk we innowasiýa talaplaryna laýyk gelýär.
ORIENT news
