Gazagystanda 2024-nji ýyldan başlap biznese döwlet gözegçiliginiň awtomatlaşdyrylan ulgamy işläp başlar
2024-nji ýyldan başlap Gazagystanda biznese döwlet barlagynyň we gözgeçiliginiň awtomatlaşdyrylan ulgamy işläp başlar. Bu meselä respublikanyň premýer-ministri Alihan Smailowyň başlyklyk etmegindäki hökümet maslahatynda seretdiler - diýip, Zakon.kz. internet-neşiri habar berýär.
Geçen ýyl ýurtda biznese döwlet gözgeçiliginiň 35 ugruny awtomatlaşdyrmak boýunça işler tamamlandy, ýene-de 35 ugry awtomatlaşdyrmak boýunça işler dowam edýär.
Gazagystanyň milli ykdysadyýet ministri Alibek Kuantyrowyň hasabat bermegine görä, Smart Data Ukimet awtomatlaşdyrylan platforma ulanyşa taýýar. Häzir synag işleri alnyp barylýar.
Şunuň bilen baglylykda, premýer - ministr 1-nji sentýabra çenli Smart Data Ukimet ulgamyndaky gözegçiligiň ähli ugurlaryny synag etmekligi tamamlamagy tabşyrdy.
«Indiki ýyldan başlap bizde ähli barlaglaryň we gözegçilikleriň töwekgelçilikleri dolandyrmak ulgamy esasynda amala aşyrylmagy üçin biz döwlet barlagyny awtomatlaşdyrmak boýunça işleri şu ýylda tamamlamaly » — diýip, Alihan Smailow aýtdy.
ORIENT habarlar
