Türkmenistan 4 aýda 400 million kub metr tebigy gazy Azerbaýjana eksport etdi

Iýun 20, 2023 | 14:44 |8079

Şu ýylyň 4 aýynda Türkmenistan 398,8 million kub metr tebigy gazy Azerbaýjan Respublikasyna eksport etdi. Bu barada ýurduň Döwlet statistika komitetiniň maglumatlaryna salgylanyp, “Interfax” habarlar agentligi mälim edýär.

Degişli döwürde Türkmenistandan Azerbaýjana iberilen tebigy gazyň pul hasabyndaky möçberi 59,1 million amerikan dollaryna barabardyr.

Şeýlelikde, Türkmenistan Azerbaýjana gaz satmak boýunça ikinji orunda durýar. Bu babatda birinji orunda barýan Russiýa geçen 4 aýda 143,2 million dollarlyk 800,6 million kub metr gazy Azerbaýjana eksport etdi.

Degişli döwürde Azerbaýjan jemi 1,2 milliard kub metr tebigy gazy daşary ýurtlardan satyn aldy. Bu geçen ýylyň degişli döwründäkiden 5,5 esse köpdür.

ORIENT news