Täze gaz gysyjy desga gurlar
Iýun 20, 2023 | 12:20 |18784
“Türkmengaz” döwlet konserni “Gündogar – Günbatar” gazgeçirijisiniň Şatlyk böleginde täze gas gysyjy desgasyny gurar. Degişli desgany gurmak we gerekli enjamlary daşary ýurtlardan getirmek boýunça halkara bäsleşigi yglan edildi. Bu barada «Нейтральный Туркменистан» gazeti habar berýär.
Halkara bäsleşige gatnaşmak üçin teklipler konserniň paýtagtymyzdaky Arçabil şaýolunyň 56-njy jaýynda ýerleşýän merkezi edarasynda kabul edilýär.
“Gündogar – Günbatar” gazgeçirijisi ýurdumyzyň Mary welaýatyndaky baý gaz ýataklaryny Hazar kenaryndaky uglewodorod ýataklary bilen birleşdirýän iri bitewi ulgamdyr. Onuň kömegi bilen tebigy gazyň sarp edijilere bökdençsiz ýetirilmegi üpjün edilýär.
ORIENT news
