TRASEKA ýarym tirkeg arkaly Ýewropadan MA ilkinji synag ýük daşamasyny amala aşyrdy
Ýewropa-Kawakz-Aziýa (TRASEKA) ulag geçelgesiniň hökümetara komissiýasynyň Hemişelik sekretariaty Ýewropadan Merkezi Aziýa ýarym tirkegli ýük awtoulaglary arkaly ýükleriň ilkinji synag daşalmasyny amala aşyrdy- diýip, Trend habar berýär.
Synag daşama ýarym tirkegler arkaly ýük daşamalarynyň ösdürilmegi boýunça syny taýýarlamagyň soňlaýjy tapgyry bolup durýar – diýp, Hemişelik sekretariatyň metbugat-gullugynda habar berdiler.
Litwa–Polşa– Slowakiýa – Wengriýa – Rumyniýa – Bolgariýa – Gara deňzi –Gruziýa – Azerbaýjan – Hazar deňzi – Gazagystan multimodal ugry boýunça ýük daşamasy 16 güne çekdi. Ýewropa Birleşiginiň ýurtlarynyň çägi boýunça ýolda geçirilen wagt duralgalary hasaba almanyňda 37 sagada deň boldy.
Şeýlelikde, ýarym tirkegli ýük awtoulagy arkaly daşama Wilnýusdan başlandy we Bolgariýadaky Warna portyna çenli Polşanyň, Slowakiýanyň, Wengriýanyň, Rumyniýanyň çäkleri boýunça dowam etdi. 30-njy maýda ýük awtoulagsyz ýarym tirkeg Navigation Maritime Bulgare gämi gatnawy kompaniýasy tarapyndan Batuminiň portuna ugradyldy.
ORIENT habarlar
