«Sirius» merkezi Ýewraziýa ýurtlarynyň we GDA ýurtlarynyň gatnaşmagynda halkara bilim ulgamyny döretmegi meýilleşdirýär
Zehinli çagalar üçin «Sirius» Bütinrussiýa bilim merkezi tarapyndan Ýewraziýa we GDA ýurtlarynyň gatnaşmagynda halkara bilim ulgamyny döretmek boýunça taslamanyň ýerine ýetirilmegi başlandy. Bu barada Siriusyň federal çäginiň Geňeşiniň başlygy, «Sirius» bilim merkeziniň baştutany Ýelena Şmelýowa salgylanyp, TASS habar berýär.
Ol şu okuw ýylyndan başlap, federal çäkde özüniň netijeliligini görkezen «Sirius» merkeziniň modeliniň iň gowy mugallymçylyk tejribelerini ulanyp, bu ýurtlarda yzygiderli köpeldiljekdigini aýtdy.
Ýelena Şmelýowa şeýle hem assosirlenen mekdepleri döretmek meýilnamasy barada gürrüň berdi. Şeýlelikde, mekdep «Sirius» modeliniň çäklerinde «Siriusyň» federal çäginde çagalara bäşinji synpdan başlap «Siriusyň» torlaýyn maksatnamalary boýunça okamak mümkinçiligi berler, şeýle hem hyzmatdaşlaryň uniwersitetlerinde okamak mümkinçiligi berler.
Şunuň bilen baglylykda, ol ähli Ýewraziýa we GDA ýurtlaryny bu modele birikmäge çagyrdy.
«Biz özümizi bu modele doly taýýar diýip hasap edýäris — hem «Sirius» mekdebi, Siriusyň federal çägi, şeýle hem biziň ähli hyzmatdaşlarymyz. Ähli ýurtlar bu hyzmatdaşlyga giriziler we biz «Sirius» olarda elýeterli bolar ýaly ederis» — diýip, ol beýan etdi.
ORIENT habarlar
