Maliýe ministrligi döwlet eýeçiligine degişli 46 desgany hususylaşdyrmak boýunça bäsleşikli söwda geçirer
Türkmenistanyň Maliýe we ykdysadyýet ministrligi döwlet eýeçiligine degişli 46 desgany satmak boýunça bäsleşikli söwdany-auksiony geçirer. Bu baradaky bildiriş şu gün resmi türkmen metbugatynda çap edildi.
Döwlet eýeçiliginden aýyrmaga Söwda ministrliginiň, Oba hojalyk ministrliginiň, Suw hojalygy baradaky döwlet komitetiniň, «Türkmenawtoulaglary» agentliginiň, Aşgabadyň häkimliginiň, «Türkmenbaşy» bankynyň, Awtoulag ýollarynyň gurluşygyny dolandyrmak boýunça döwlet agentliginiň, «Türkmenhaly» döwlet birleşiginiň, «Türkmenhimiýa» döwlet konserniniň, Daşoguz, Mary we Lebap welaýatlarynyň häkimlikleriniň emläkleri degişli bolar.
Bäsleşikli söwda 5-nji iýulda sagat 10:00 onlaýn-formatda Maliýe ministrliginiň portalynyň «Auksionlar we tenderler» bölüminde geçer. Oňa diňe bir Türkmenistanyň raýatlary däl, eýsem beýleki döwletleriň raýatlary hem gatnaşyp bilýärler. Hasaba alnyşyk söwdalaşyklaryň başlanmagyna üç sagat galanda başlanýar.
Satuwa çykarylýan desgalar barada jikme-jik maglumatlary şu ýerden bilip bolýar.
Habarlaşmak üçin telefonlar:
1) Aşgabat: (+993 12) 92-12-97/92-11-34, 39-46-09/63/69,
2) Änew: (+993 137) 3-30-21/3-31-80,
3) Balkanabat: (+993 222) 7-89-34/7-89-17/7-89-53,
4) Daşoguz: (+993 322) 9-10-19/9-15-10,
5) Türkmenabat: (+993 422) 6-11-52/6-11-59,
6) Mary: (+993 522) 6-06-87/6-05-41.
ORIENT habarlar
