Türkmenistan Metan boýunça global borçnama goşulmak üçin ýol kartasyny kabul etdi
Türkmenistanyň Prezidenti Serdar Berdimuhamedow Türkmenistanyň Metan boýunça global borçnama goşulmak meselesini öwrenmek maksady bilen 2023- 2024-nji ýyllar üçin halkara hyzmatdaşlygyny ösdürmek boýunça ýol kartasyny tassyklady.
Döwlet Baştutanynyň degişli karary bilen Ýol kartasyny durmuşa geçirmek boýunça hereket meýilnamasy hem tassyklandy we degişli ministrliklere we pudak edaralaryna görkezilen çäreleriň ýerine ýetirilmegini üpjün etmek tabşyryldy.
Ozal, şu aýda Türkmenistanda metanyň zyňyndylaryny azaltmak boýunça pudagara topar döredildi.
Metany azaltmak boýunça global borçnama – çäklerinde oňa goşulýan agzalaryň 2030-njy ýyla çenli metanyň ähliumumy zyňyndylaryny 2020-nji ýyldaky derejesinden azyndan 30%-e çenli azaltmak boýunça edilýän köpçülikleýin tagallalara öz goşandyny goşmak üçin meýletin çäreleri görmäge razylyk berýän başlangyjydyr.
Häzirki wagtda bu başlangyja dünýä ykdysadyýetiniň jemi 70%-i we metanyň zyňyndylarynyň ýarysy paýyna düşýän 120 töweregi ýurt goşuldy.
ORIENT news
