Russiýa we Gazagystan nebiti üstaşyr geçirmek baradaky ylalaşygy 2033-nji ýyla çenli uzaltmagy meýilleşdirýärler
Russiýa we Gazagystan nebiti Gazagystanyň üsti bilen daşamak baradaky şertnamany 2033-nji ýylyň ahyryna çenli uzaltmak barada karara geldiler – diýip, Trend habar berýär.
Degişli ylalaşyk iki ýurduň energetika edaralarynyň baştutanlary Nikolaý Şulginowyň we Almasadam Satkaliýewiň Peterburg halkara ykdysady forumynyň çäklerindäki duşuşyklarynyň barşynda gazanyldy.
Gara altynyň üstaşyr geçirilmeginiň möçberi her ýylda 10 million tonna çenli artdyrylar.
«Russiýa we Gazagystan energetika pudagynda, aýratyn hem nebit babatynda üstünlikli we özara bähbitli hyzmatdaşlygy dowam etdirýärler. Gazagystanly kärdeşler bilen duşuşygyň barşynda nebiti Gazagystanyň üsti bilen geçirmek baradaky hökümetara ylalaşygyny nebitiň möçberini her ýylda 10 million tonna çenli artdyryp, 2033-nji ýylyň soňuna çenli uzaltmak karar edildi», — diýip, taraplaryň energetika babatynda üstünlikli hyzmatdaşlygy dowam etdirýändiklerini belläp, Russiýanyň Energetika ministrliginiň baştutany beýan etdi.
ORIENT habarlar
