Russiýada sanly sürüjilik şahadatnamalaryny girizmäge taýýar
Russiýanyň IIM-niň Döwlet awtoulag gözegçiligi gullugy ýurduň çäginde sürüjilik şahadatnamalaryny we ulag serişdesiniň hasaba alnandygy baradaky şahadatnamany sanly kod görnüşinde görkezmek mümkinçiligini hödürlemäge taýýar. Şunda olary asyl nusgasy bilen tassyklamak zerurlygy ýokdur.
Bu barada Russiýanyň IIM-niň ýol-ulag hereketiniň howpsuzlygyny üpjün etmek boýunça Baş müdirliginiň başlygynyň orunbasary Oleg Ponarina salgylanyp, TASS habar berýär.
Onuň aýtmagyna görä, bu pikir eýýäm Moskwada, Moskawa oblastynda we Tatarystanda synag edilip görüldi.
«Biz Döwlet awtoulag gözegçiligi gullugy hökmünde şunuň ýaly girizmeklige taýýar, mesele kanun çykaryjylara bagly bolup durýar. RF-da degişli infrastruktura taýýar bolan badyna, biz ondan höwes bilen peýdalanarys», — diýip, Ponarin aýtdy.
ORIENT habarlar
