Singapurda polisiýa robotlary peýda bolar
Bäş ýyl synagdan soňra Singapurda polisiýa robotlary peýda bolarlar.
Beýikligi 1,7 m bolan enjamlar nobatçylyk ederler we geçip barýanlara hadysalar barada habar bererler. Bu, öz gezeginde, esasy polisiýa güýçleri gelýänçä tertibi üpjün etmäge mümkinçilik berer, polisiýa işgärlerine has oýlanyşykly kararlary kabul etmäge we bolup geçýän hadysalardan netijeli baş çykarmaga kömek eder.
Iki enjam eýýäm Singapuryň Çangi howa menzilinde 4-nji Terminalda öz wezipe-borçlaryny ýerine ýetirýärler.
Robotlar 360 graduslyk gözegçilik kameralary, süýşürilip çykarylýan diň, sensorlar, dinamika, ekran, şeýle hem sirena bilen enjamlaşdyrylandyr. Bularyň ählisi hem gözegçilik etmek üçin, şeýle hem polisiýa işgärleriniň raýatlara ýüzlenmek üçin ulanylyp bilner.
Çangi howa menzilinde şeýle hem robotlaryň süpürijiler, gapy garawuly, ot orujylar bolup işleýändigini hem belläp geçmelidiris. 2019-njy ýylda DPS robotynyň synaglary geçirilipdi.
Singapuryň polisiýasynyň wekilleri terminalda goşmaça polisiýanyň bolmagyny üpjün etmek üçin barlag işleriniň gerekdigi barada belliklerini aýtdylar.
Polisiýa ilkinji gezek robotlary Singapuryň köçelerine 2018-nji ýylda çykarypdy. Şondan bäri robotlar birnäçe gezek döwrebaplaşdyryldy.
ORIENT habarlar
