Pakistanyň Ministrler Kabineti taslamany çaltlaşdyrmak üçin TAPI-niň bilelikdäki durmuşa geçiriş meýilnamasyny tassyklady
Pakistanyň Federal Ministrler Kabineti Türkmenistan-Owganystan-Pakistan- Hindistan (TAPI) gaz geçiriji taslamasy üçin bilelikdäki durmuşa geçiriş meýilnamasyny tassyklady.
Bu karar taslamanyň tehniki-ykdysady esaslandyryşynyň tamamlanmagyny we turbageçirijiniň gurluşyk tapgyryna geçmegini tizleşdirmäge gönükdirilendir diýip, Pakistan Today habar berýär.
Pakistanyň Energetika ministrligi bilen «Türkmengaz» döwlet konserniniň arasynda baglaşylan bilelikdäki resminama, geçen hepde türkmen wekiliýetiniň Yslamabat şäherine eden saparynda gol çekildi.
TAPI-niň bilelikdäki durmuşa geçiriş meýilnamasynyň tassyklanmagy, gaz geçiriji taslamasynyň durmuşa geçirilmegini çaltlaşdyrmakda möhüm tapgyry alamatlandyrýar. Ol gatnaşýan ýurtlaryň sebitdäki energiýa hyzmatdaşlygyna ygrarlydygyny görkezýär we sebitde energiýa howpsuzlygyny hem-de ykdysady ösüşi gowulaşdyrmak üçin esas döredýär.
Zerur tassyklamalar alnandan soň, taraplar esasy taslama ylalaşyklaryny ara alyp maslahatlaşmaga, ýer satyn almak işlerine we TAPI gaz geçiriji taslamasyny durmuşa geçirmek üçin strategiýalary düzmäge üns bererler.
ORIENT news
