Türkmenistanyň Mejlisiniň başlygy Gazagystanda geçiriljek foruma gatnaşar
19-njy iýunda Astana şäherinde Gazagystanyň başlyklyk etmeginde Merkezi Aziýa ýurtlarynyň zenanlarynyň dialogynyň nobatdaky mejlisi geçiriler. Oňa sebit döwletleriniň parlament, raýat jemgyýetçilik guramalarynyň ýolbaşçylary bilen bilelikde, Türkmenistanyň Mejlisiniň başlygy hem gatnaşar.
Dialogyň çäginde Gazagystan Respublikasynyň Prezidentiniň ýanyndaky Zenanlaryň işi we maşgala-demografiýa syýasaty boýunça milli komissiýasynyň guramagynda “Innowasion-tehnologik ösüşde zenanlaryň orny” ady bilen ýörite mejlis geçiriler.
Merkezi Aziýa ýurtlarynyň zenanlarynyň dialogy – bu Birleşen Milletler Guramasynyň degişli düzümleriniň ýardam bermeginde sebit döwletleriniň zenan parlamentariýleriniň arasyndaky hyzmatdaşlygy berkitmäge we ösdürmäge, möhüm meseleleri ara alyp maslahatlaşmak üçin formal däl meýdança bolup durýar.
Merkezi Aziýa ýurtlarynyň zenanlarynyň dialogy 2020-nji ýylyň dekabrynda esaslandyrylyp, oňa 2021-nji ýylda Özbegistan, 2022-nji ýylda bolsa Türkmenistan başlyklyk etdi.
ORIENT news
