Güýz aýlarynda Özbegistan Russiýadan gaz satyn alyp başlar
Şu ýylyň 4-nji çärýeginden başlap, rus tebigy gazy Gazagystanyň üsti bilen Özbegistan eksport edip başlamak meýilleşdirilýär. Bu barada paýdarlar jemgyýeti mälim edýär.
Tebigy gazyň eksporty boýunça Peterburg Halkara ykdysady forumynyň çäginde “Gazprom” açyk görnüşli paýdarlar jemgyýetiniň müdiriýetiniň başlygy Alekseý Milleriň we Özbegistan Respublikasynyň Premýer-ministriniň orunbsary Jamşid Hojaýewiň hem-de ýurduň energetika ministri Žurabek Mirzamahmudowyň arasynda gepleşikler geçirildi.
Gepleşikleriň barşynda taraplar rus tebigy gazynyň eksporty we Özbegistanda kabul edilmegi üçin turbageçiriji ulgamy taýýarlamak boýunça Ýol kartasyna gol çekdiler.
Sankt-Peterburg şäherinde geçirilen forumyň çäginde Alekseý Miller şeýle hem Gazagystan Respublikasynyň energetika ministri, “QazaqGaz” Milli kompaniýasy” paýdarlar jemgyýetiniň başlygy Sanžar Žarkeşow bilen hem duşuşygy geçirildi. Duşuşykda rus tebigy gazynyň Gazagystanyň çägi boýunça Özbegistandaky sarp edijilere geçirilmegi üçin hyzmatlary amala aşyrmak boýunça şertnama hem gol çekildi.
Şeýle hem Peterburg Halkara ykdysady forumynyň çäginde “Gazprom” açyk görnüşli paýdarlar jemgyýetiniň müdiriýetiniň başlygy Alekseý Milleriň we Azerbaýjan Respublikasynyň Döwlet nebit kompaniýasynyň (SOCAR) ýolbaşçysy Rowşan Najafyň arasynda gepleşikler geçirilip, tebigy gazy üstaşyr geçirmek pudagynda ylmy-tehniki hyzmatdaşlygy giňeltmek mümkinçiliklerine seredildi.
ORIENT news
