MA-nyň ýurtlary üçin gümrük işgärleriniň hünärini ýokarlandyrmak boýunça maslahatlary işläp düzdüler
Gümrük gulluklarynyň işgärleriniň hünärini ýokarlandyrmak boýunça maslahatlar Merkezi Aziýada serhetleriň dolandyrylmagyna ýardam etmek Maksatnamasynyň (BOMKA 10) Astana şäherinde geçirilen seminaryň barşynda işlenip düzüldi.
Maslahatlar Merkezi Aziýa ýurtlarynyň, şol sanda Türkmenistanyň gümrük işgärleriniň hünärini ýokarlandyrmak üçin gerekdir. Litwanyň Döwlet gümrük gullugynyň we Riganyň tehniki uniwersitetiniň bilermenleri olary Ýewropa Birleşiginiň tejribesi bilen tanyşdyrdylar.
Häzirki zaman şertlerinde gümrük işgäriniň bilimi bu ilki bilen, gümrük işi babatynda döwrebap programma-amaly serişdelerini tejribeli ulanyjynyň bilimi, başarnyklarydyr.
Gümrük edaralarynyň wezipeli adamlarynyň taýýarlyk derejesiniň ösdürilmegi, gaýtadan taýýarlanmagy we hünäriniň ýokarlandyrylmagy aşakdaky meseleleriň çözgütlerini göz öňünde tutýar. Hususan-da, bäsdeşlige ukyply goşmaça hünär maksatnamalarynyň işlenip düzülmegi; bilim işjeňliginiň okuw-usulyýet üpjünçiligi ulgamynyň döredilmegi; goşmaça hünär maksatnamalarynyň mazmunynyň möhüm häsiýete eýe bolmagydyr.
ORIENT habarlar
