Türkmenistanda howanyň üýtgemegine uýgunlaşmagyň meselelerini ara alyp maslahatlaşýarlar
Türkmenistanda howanyň üýtgemegine uýgunlaşmak boýunça okuwlaryň tapgyryna badalga berildi.
Olar BMG-niň Ösüş Maksatnamasy tarapyndan Türkmenistanyň Oba hojalygy we daşky gurşawy goramak ministrligi bilen bilelikde ýerine ýetirilýän «Türkmenistanda uýgunlaşmany meýilleşdirmegiň milli prosessiniň ösdürilmegi» taslamasynyň çäklerinde geçirilýär.
Olar şeýle hem Araly halas etmegiň Halkara gaznasy bilen hyzmatdaşlykda degişli ministrlikleriň we edaralaryň wekilleriniň, Aşgabat şäheriniň häkimliginiň, «Türkmensuwylymtaslama» ylmy-barlag taslama institutynyň, «Daşoguzsuwhojalyk» önümçilik birleşiginiň we Hazar deňzi institutynyň wekilleriniň gatnaşmagynda guraldy.
Birinji seminarda oňa gatnaşyjylar dünýä, sebit we milli derejelerde howanyň üýtgemegi jähtinde suw serişdeleriniň emele gelmegini, peýdalanylmagyny we goralmagyny ara alyp maslahatlaşdylar, howanyň üýtgemeginiň suw serişdelerine edýän täsirini maslahatlaşdylar.
ORIENT habarlar
