Guterres BMG-niň Merkezi Aziýa üçin Öňüni alyş diplomatiýasy boýunça Sebit merkeziniň täze başlygyny belledi
BMG-nyň Baş sekretary António Guterriş 14-nji iýunda gruziýaly Kaha Imnadzeniň Aşgabatdaky BMG-niň Merkezi Aziýa üçin Öňüni alyş diplomatiýasy boýunça Sebit merkeziniň (UNRCCA) ýörite wekili we başlygy wezipesine bellenendigini habar berdi.
BMG habarlar merkeziniň berýän habaryna görä, Imnadze Terrorçylyga garşy ýerine ýetiriji müdirligiň ýerine ýetiriji müdiri wezipesine bellenen moldowaly Nataliýa Germany çalyşdy.
Şeýle hem Kaha Imnadzeniň diplomatiýa, döwlet gullugy we işewürlik boýunça 30 ýyldan gowrak tejribesi bar. 1989-njy ýylda öz ýurdunyň diplomatik gullugyna girip, ol bu döwürde diplomatiýa, gepleşikler we araçylyk, syýasy töwekgelçiligi bahalandyrmak boýunça baý tejribe toplady.
Bu wagta çenli ol Gruziýanyň Kanadadaky ilçisi we Halkara raýat awiasiýasy guramasynyň hemişelik wekili boldy. Ondan ozal Imnadze 2013-2022-nji ýyllar aralygynda Gruziýanyň BMG-de hemişelik wekili bolup işledi. Şeýle hem, ol 10 ýyl hususy pudakda syýasy töwekgelçiligi bahalandyrmak we maýa goýumlary boýunça meseleler bilen meşgullanypdy.
Imnadze - Tbilisi döwlet uniwersitetiniň uçurymy. Ol gruzin, iňlis we rus dillerini bilýär.
ORIENT news
