Bir ýyl bir gün ýaly - Kamerata Aşgabat doglan gününi belleýär
Geljek aýyň başynda Aşgabadyň «Watan» kinoteatrynda saz söýüjiler öz söýgüli «Kamerata Aşgabat» kamera ansambly bilen duşuşarlar. Ansamblyň çeper ýolbaşçysy - halkara bäsleşikleriň laureaty Bahram Dolyýew.
Topar «Bir ýyl bir gün ýaly» atly konsert maksatnamasy bilen ansamblyň döredilmeginiň bir ýyllygyny belleýär. Bu agşam konsert möwsüminde ýerine ýetirilen we tomaşaçylaryň gyzgyn seslenmesine eýe bolan ajaýyp saz eserleri ýaňlanar.
Saz söýüjilere birbada iki premýera garaşýar. Bu kompozitor we dirižýor, Türkmenistanyň at gazanan sungat işgäri, halkara bäsleşikleriň laureaty, Ýewraziýa kompozitorlar birleşiginiň agzasy Röwşen Nepesowyň "Gutlag" walsy we Nury Halmämmedow adyndaky «Dutaryň mukamy» Halkara saz festiwalynyň art-menejeri, halkara bäsleşikleriň laureaty, Ýewraziýa kompozitorlar birleşiginiň agzasy Mämmet Guseýnowyň №2 Strunnyý kwartet «Polifoniçeski» eseridir.
Konsert 2-nji iýul, ýekşenbe güni agşam sagat altyda başlanar. Toparyň meşhurlygyny göz öňünde tutup, giriş petekleriniň aladasyny öňünden etmegi maslahat berýäris. Telefonlar: +99363206040; +99361727863.
Güljemal Durdyýewa
