Türkmen zyýaratçylarynyň ilkinji topary ýörite howa gatnawy bilen Saud Arabystanyna haj zyýaratyna ugrady
Penşenbe güni türkmen zyýaratçylarynyň ilkinji topary haj parzyny berjaý etmek üçin Aşgabatdan Saud Arabystanyna ugrady. Hormatly Prezidentimiz Serdar Berdimuhamedowyň buýrugy esasynda «Türkmenhowaýollary» agentligi zyýaratçylary Saud Arabystany Patyşalygyna eltmek we yzyna getirmek üçin agentligiň öz serişdeleriniň hasabyna ýörite gatnawlary gurady.
Saud Arabystanyna türkmen zyýaratçylaryny ibermek iýul aýynyň ortalaryna çenli dowam eder.
Zyýaratçylar gitmezden ýola düşmezden öňürti, Aşgabatdaky “Hezreti Omar” metjidine baryp, ol ýerden paýtagtyň halkara howa menziline ugradylar - diýip, Türkmen telewideniýesiniň habarlar gepleşiginiň agşamky goýberilişinde habar berildi.
Türkmenistanly zyýaratçylar Mekgä haj parzyny berjaý edýän musulmanlaryň millionlarçasynyň hataryna goşularlar.
Resmi SPA habarlar agentliginiň penşenbe güni beren habaryna görä, Saud Arabystanyň häkimiýetleri dünýäniň dürli künjeklerinden gelen haj zyýaratçylarynyň jemi 585 932-sini hasaba aldy.
Haj resmi taýdan yglan edilenden soň 26-njy iýunda başlamagyna we bu ýyl, COVID-19-dan soň i ilkinji gezek 2,6 million musulmanyň yslam dessuryny ýerine ýetirmek üçin zyýarata ýygnanmagyna garaşylýar.
ORIENT news
