Türkmenistanyň ýolbaşçylary HHR-nyň baştutanyny 70 ýyllyk ýubileýi bilen gutladylar
Türkmenistanyň Prezidenti Serdar Berdimuhamedow we Türkmenistanyň Halk Maslahatynyň Başlygy Gurbanguly Berdimuhamedow Hytaý Halk Respublikasynyň başlygy Si Szinpiniň adyna 70 ýyllyk ýubileýi mynasybetli gutlag hatyny iberdiler – diýip, TDH habar berýär.
Özüniň iberen gutlagynda Türkmenistanyň döwlet baştutany Serdar Berdimuhamedow şu ýyl Pekin we Sian şäherlerinde mundan beýläk-de hyzmatdaşlyk etmegiň esasy ugurlary babatda gazanylan ylalaşygyň durmuşa geçirilmeginiň halklarymyzyň bähbidine ikitaraplaýyn gatnaşyklary täze mazmun bilen baýlaşdyrmaga mümkinçilik berjekdigine ynam bildirdi.
Türkmen halkynyň Milli Lideri Gurbanguly Berdimuhamedow özüniň gutlagynda Türkmenistan bilen Hytaýyň arasyndaky ikitaraplaýyn hormata, ynama we deňhukuklylyk ýörelgelerine esaslanýan strategiki hyzmatdaşlygyň iki halkyň bähbidi üçin, ählumumy parahatçylygy we durnukly ösüş üçin mundan beýläkde üstünlikli ösdüriljekdigine ynanýandygyny beýan etdi.
ORIENT habarlar
