Magtymguly adymdaky TDU-nyň kafedra müdiri Türkmenistanda «Ýylyň mugallymy» adyna mynasyp boldy
Magtymguly adyndaky Türkmen döwlet uniwersitetiniň arheologiýa we etnografiýa kafedrasynyň müdiri Mähri Perdeliýewa «Ýylyň mugallymy» diýlip yglan edildi. Bu abraýly hünär adynyň eýesiniň dabaraly sylaglanmagy şol ýokary okuw mekdebinde bolup geçdi.
«Ýeňiş aňsat düşmedi. Bäsleşik güýçli boldy, aýratyn hem, jemleýji tapgyrda eminler biziň hünär ussatlygymyzy bahalandyranlarynda ýiti boldy, olar biziň okuw sapaklaryny nähili alyp barýandygymyza gönüden-göni syn etdiler», — diýip, «Neýtralnyý Turkmenistan» gazeti ýeňijiniň sözlerini getirýär.
Her ýylky bäsleşik Türkmenistanyň ýokary okuw mekdeplerinden dalaşgärleriň gatnaşmagynda geçirilýär. Onda özüni ýokary derejeli hünärmen we kämil pedagog hökmünde görkezen iň gowy mugallymlar gatnaşýarlar.
Emin agzalary, ilkinji nobatda, hünär taýýarlygyna we başarnygyna, mugallymlaryň okuw-usulyýet we terbiýeçilik işjeňligine baha berýärler.
Ýeňijilere we bäsleşige gatnaşanlara degişli diplomlar we gymmatbahaly sowgatlar gowşuryldy.
ORIENT habarlar
