Türkmenabatdaky mugallymçylyk institutynda halkara onlaýn-maslahatyň jemlerini jemlediler
«XXI asyrda ylym we bilim» atly onlaýn-formatdaky ylmy-amaly maslahat Seýitnazar Seýdi adyndaky Türkmen döwlet mugallymçylyk institutynda geçirildi. Oňa 10 sany daşary ýurt ýokary okuw mekdeplerinden 40-a golaý mugallym gatnaşdy – diýip, «Neýtralnyý Turkmenistan» gazetinde habar berilýär.
Foruma iri türkmen mugallymçylyk okuw mekdebi bilen hyzmatdaşlyk edýän ýokary okuw mekdepleri gatnaşdylar. Çekişme meýdançasynyň guraýjylary ara alyp maslahatlaşmalary tematiki seksiýalarda hem dowam etdirdiler.
Maslahatda çykyş edenleriň çäräniň dowamynda ylmy barlaglar barada we ylmy gözlek işleriniň ösüşi hakynda öz pikirlerini aýdandyklaryny bellemelidiris. Maslahatyň münberinden diňe bir professor-mugallymçylyk düzüminiň öňdebaryjy hünärmenleri däl-de, eýsem talyp ýaşlaryň wekilleri hem çykyş etdiler.
Şeýle hem maslahatyň çäklerinde tematiki sergi geçirildi, onda TDMI-nyň ýaş mugallymlarynyň we talyplarynyň taslamalary görkezildi. Geçirilen forumyň esasy maksady — ýaş alymlaryň halkara ylmy meýdançasyna çykarylmagydyr we olaryň ylmy jemgyýetçilik bilen tanyşdyrylmagydyr.
ORIENT habarlar
