Gmail adamlaryň deregine hat ýazmagy öwrendi
Google-yň poçta müşderisi bolan Gmail-de Help me write («Ýazmaga kömek et») funksiýasy indi elýeterli boldy, ol emeli intellektiň kömegi bilen peýdalanyja hat ýazmaga kömek edýär.
Bu funksiýadan Google Workspace Labs.-de hasaba alnan Android we iOS smartfonlaryň eýeleri peýdalanyp bilerler.
Help Me Write eýýäm ýazylan haty redaktirläp bilýär ýa-da ulanyjynyň aýtmagynyň esasynda täze haty ýazyp bilýär. Hatyň tekstini döretmek bary-ýogy birnäçe sekundy alýar, şondan soň ulanyjynyň özi ony redaktirläp bilýär ýa-da ony neýrosete ynanyp bilýär. Mysal üçin, ol tekste täze jikme-jiklikleri goşmagy sorap biler, hatyň äheňini üýtgetmegi, ony gysgaltmagy ýa-da gaýtadan beýan etmegi sorap biler. Şeýle hem «I'm Feeling Lucky» (Meniňki şowuna bolýar) we «Write a Draft» (Garalamany ýazmaly) opsiýalary hem elýeterlidir.
Funksiýa Gmail-iň kompýuterlerde işleýşi ýaly işleýär. Ýakyn wagtda täzeligiň Google Docs. goşundysynda hem peýda bolmagyna garaşylýar.
ORIENT habarlar
