Dubaýyň howa menzilleri haj parzyny amala aşyrýan zyýaratçylary kabul etmäge taýýar
Dubaýyň howa menzilleri öz hyzmatdaşlary bilen bilelikde haj parzyny amala aşyrýan zyýaratçylary garşylamaga taýýarlyk görýärler. 22-nji iýunda Saudia uçar kompaniýasy 1 DXB terminalyndan ilkinji uçuşyny ýerine ýetirer.
Hyzmat etmegiň ýokary derejesini üpjün etmek we hasaba alynmak prosessini tizleşdirmek üçin howa menzillerinde hasaba alynmagyň, pasport gözegçiliginiň ýörite nokatlary peýda boldy. Şeýle hem ýörite çykalgalar enjamlaşdyryldy.
Howa menziliniň wekilleri ähli gerekli düzgünleri öz wagtynda edip ýetişmek üçin zyýaratçylary uçuşa dört sagat öňünden gelmäge çagyrýarlar. Bu ýyl olar hajyň tomus dynç alyş möwsümi bilen gabat gelýändigini göz öňünde tutup, zyýaratçylara aýratyn kabul edişlik görkezmegi wada edýärler.
22-nji iýundan 15-nji iyul aralygynda Saud Arabystanyna Türkmenistandan 289 zyýaratçy Türkmenhowaýollary agentliginiň serişdeleriniň hasabyna haj parzyny berjaý etmek üçin zyýarat ederler. Zyýaratçylary Saud Arabystanyna äkitmek üçin Türkmenistanyň Ministrler Kabinetiniň ýanyndaky Ulag we kommunikasiýalar agentligi ýörite gatnawlary gurar.
ORIENT habarlar
