Türkmen döwlet gullukçylary resminamalary goramagyň öňdebaryjy tejribesi bilen tanyşýarlar
Türkmenistanyň Döwlet migrasiýa gullugynyň we Döwlet serhet gullugynyň işgärleri we mugallymlar düzümi resminamalary goramak boýunça tälimçiler üçin okuwy geçdiler.
Milli okuw Ýewropa Birleşigi tarapyndan Ýewropada howpsuzlyk we hyzmatdaşlyk guramasy (ÝHHG) bilen hyzmatdaşlykda maliýeleşdirilýän Merkezi Aziýada serhetleriň dolandyrylmagyna ýardam etmek boýunça Maksatnama (BOMKA 10) tarapyndan guraldy. «Serhet edaralarynyň institusional ösüşi» atly 1-nji Düzüm bölegiň çäklerinde ýerine ýetirilmek bilen, bu okuw resminamalaryň hakykylygyny barlamak babatynda tälimçileri we mugallymlary taýýarlamaga niýetlenendir.
Gatnaşyjylar Ýewropa Birleşiginiň iň gowy tejribeleriniň esasynda taýýarlanylan esasy okuw maksatnamalary bilen, şeýle hem gullukçylary mundan beýläk ýerinde okatmak üçin materiallar bilen tanyşdylar. Ozal ýurduň Döwlet migrasiýa we serhet gulluklarynyň işgärleriniň BOMKA 10 maksatnamasy tarapyndan guralan ýol resminamalarynyň howpsuzlygy boýunça okuwy tamamlandyklaryny belläp geçmelidiris.
ORIENT habarlar
