Aşgabat Türkmenistanyň ÝUNESKO agzalygynyň 30 ýyllygyna bagyşlanan halkara forum geçirer
Ýakynda durmuşa geçiriljek bilelikdäki taslamalar we çäreler Türkmenistanyň Daşary işler ministri Raşid Meredow we Aşgabada sapar bilen gelen ÝUNESKO-nyň Tährandaky Klaster ofisiniň müdiri, ÝUNESKO-nyň Türkmenistandaky we Eýrandaky wekili Golda El Huri tarapyndan ara alnyp maslahatlaşyldy. Hususan-da, taraplar geljek ýyl türkmen paýtagtynda ýurduň ÝUNESKO girmeginiň 30 ýyllygyna bagyşlanan halkara forumyny geçirmek meselelerine üns berdiler.
Duşenbe güni Daşary işler ministrliginde geçirilen duşuşykda Türkmenistan bilen BMG-niň bilim, ylym we medeniýet boýunça ýöriteleşdirilen edarasynyň hyzmatdaşlygynyň geljegine garaldy.
2015-nji ýylda Türkmenistan hökümeti bilen ÝUNESKO-nyň arasynda bilim ulgamyny, ylmy, medeniýetleriň dialogyny, ekologiýa we daşky gurşawy goramak pudagyndaky hyzmatdaşlygy ösdürmek ýaly ugurlarda utgaşykly bilelikdäki işe gönükdirilen Çarçuwaly şertnama gol çekildi.
Golda El Huri ÝUNESKO-nyň türkmen halkynyň baý medeni mirasyny gorap saklamaga gönükdirilen çäreleri durmuşa geçirmekde Türkmenistana goldaw bermegini dowam etjekdigini tassyklady – diýip, türkmen DIM-iň metbugat beýanatynda bellenilýär.
ORIENT news
