Türkmenistan Owganystan bilen agrar pudakda hyzmatdaşlyk etmäge taýýar
Türkmenistanyň Owganystandaky ilçisi Hoja Öwezow Owganystanyň oba hojalyk ministriniň wezipesini ýerine ýetiriji Mawlawi Ataulla Omari bilen Aşgabat bilen Kabulyň arasynda agrar pudagynda ikitaraplaýyn hyzmatdaşlygyň meselelerini ara alyp maslahatlaşdy – diýip, Bakhtar news habar berýär.
Owgan ministrliginiň baştutany onuň ýurdunyň hökümetiniň Türkmenistan bilen oba hojalygy we bagçylyk babatynda özara gatnaşyklary ösdürmäge gyzyklanýandygyny habar berdi.
Bu jähtde gürrüň oba hojalyk önümlerini, mallary eksport-import etmek boýunça kampaniýa badalga berilmegi, şeýle hem dürli agrar barlaglaryny alyşmak hakynda barýar.
Türkmenistanyň diplomatik missiýasynyň baştutany resmi Aşgabadyň dürli ugurlardaky pikirleri durmuşa geçirmek boýunça, hususan-da, agrar pudagynda we maldarçylykda durmuşa geçirmek boýunça hyzmatdaşlyga taýýardygyny ministre ynandyrdy.
ORIENT habarlar
