Türkmenistanyň diplomatik wekilhanasy «MA — ÝB» 10-njy duşuşygynyň barşynda sebitdäki parahatçylykly tagallalar barada gürrüň berdi
Türkmenistanyň Gazagystandaky ilçisi Batyr Rejepow Ýewropa Birleşigi bilen Merkezi Aziýa ýurtlarynyň arasyndaky howpsuzlyk syýasaty meseleleri boýunça Astanada geçen her ýylky geçirilýän 10-njy duşuşyga gatnaşdy – diýip, Türkmenistanyň GR-daky ilçihanasy habar berýär.
ÝB bilen Türkmenistanyň, Gazagystanyň, Özbegistanyň, Täjigistanyň we Gyrgyzystanyň wekilleriniň arasyndaky gepleşikleriň barşynda taraplar suw serişdeleri, howanyň üýtgemegi bilen baglanyşykly meseleleri, özara arabaglanyşyk babatyndaky meseleleri çözmekde golaýda geçen «ÝB — MA» sammitiniň meýdanynda gazanylan ylalaşyklardan ugur alyp, hyzmatdaşlygy işjeňleşdirmäge taýýardyklaryny tassykladylar.
Şeýle hem duşuşygyň çäklerinde neşe serişdeleriniň bikanun söwdasyna garşy göreşmäge we serhet düzgünlerine degişli pikir alyşmalar bolup geçdi. Bu jähtde Ýewropa Birleşiginiň bu ugurlarda hyzmatdaşlygyň netijeliligini ýokarlandyrmaga taýýardygy habar berildi.
Yzygiderli gatnaşyklaryň howpsuzlygyň, ykdysadyýetiň, bilimiň, ylmyň we innowasiýanyň umumy meseleleri boýunça sebitara özara gatnaşyklaryny ösdürmäge ýardam edýändigi nygtaldy.
ORIENT habarlar
