Nikolaý Rerihiň Merkezi Aziýa ekspedisiýasynda çeken kartinasy auksiona bir rubla çykaryldy
Nikolaý Rerihiň "Takla-Makan" suraty bir rubl başlangyç bahasy bilen auksiona çykaryldy. 13-nji iýunda – iň ýokary teklip üç million rubl – diýip, “Litfond” auksion öýüniň saýtynda habar berilýär.
Suratkeş bu eseri Merkezi Aziýa ekspedisiýasynda (1923-1928) döredipdi. Topar ýoluň Takla Makan çölüniň serhet ugry boýunça Sanju geçelgesinden Hotan şäherine çenli bir bölegini 1925-nji ýylyň ahyrynda - 1926-njy ýylyň başynda geçipdi. Şonda ol Aziýanyň özboluşly owadan çölüni we tebigatyny açyp görkezýän suratlar toplumyny döretdi.
Nikolaý Rerih sahna dizaýneri, filosof, mistik, arheolog we syýahatçy hökmünde hem meşhurdyr. Ol ýedi müň töweregi nakgaş eserleriniň awtory. Imperator jemgyýetiniň sungaty höweslendirmek mekdebiniň müdiri, "Sungat dünýäsi" çeperçilik birleşiginiň ýolbaşçysy bolupdy. Merkezi Aziýadan başga-da, ol Mançžur ekspedisiýasyna hem gatnaşdy.
ORIENT news
