Türkmenistan Bütindünýä saglygy goraýyş guramasynyň Germaniýada geçiriljek seminaryna gatnaşar
Bütindünýä saglygy goraýyş guramasynyň sanjym howpsuzlygyna gözegçilik etmekde hiliň barlagyny üpjn etmek we maglumatlary dolandyrmak boýunça okuw seminary 27-30-njy iýunda Germaniýanyň Frankfurt şäherinde geçiriler. Duşuşyk Frankfurtdaky Paul-Erlih instituty bilen bilelikde guraldy.
Bu çärä 20 töweregi ýurtdan - Azerbaýjandan, Albaniýadan, Ermenistandan, Belarusdan, Bosniýa we Gersegowinadan, Gruziýadan, Gazagystandan, Gyrgyzystandan, Moldowa Respublikasyndan, Çernogoriýadan, Serbiýadan, Täjigistandan, Demirgazyk Makedoniýadan, Türkmenistandan, Ukrainadan we Özbegistandan bilermenler gatnaşar.
Seminaryň maksady BSGG-niň görkezmelerini, waksina howpsuzlygyna gözegçilik ulgamlarynyň netijeliligini seljermek üçin öňdebaryjy tejribesini we gurallaryny paýlaşyp, orta girdejili ýurtlarda sanjymlaryň sebitleýin we milli mümkinçiligini berkitmekden ybarat.
Şeýle hem, bilermenler waksina howpsuzlygy duýdurmalaryny dolandyrmak üçin immunizasiýadan soň (AEFI) ýaramaz hadysalar baradaky maglumatlaryň netijeli ulanylyşyny gözden geçirerler.
Duşuşyga gatnaşýanlar sanjymlaryň howpsuzlygyna gözegçilik etmekde, halkara maglumat ülňüleri we AEFI elýeterli ammarlary pudagynda hil üpjünçiligi boýunça bilim alarlar. Hünärmenler, şeýle hem, duýdurmalaryň tapylmagyny goldamak üçin maglumatlara nädip girmelidigini, olaryň derňewini we düşündirişini hem-de barlaglara esaslanýan sanjymlaryň howpsuzlygyny üpjün etmek boýunça çäreleri görmegi öwrenerler.
Bu seminar AEFI gözegçiligi boýunça ýurduň içinde, döwletleriň we hünärmenleriň arasynda tejribe alyşmaga we has jebis aragatnaşyk gurmaga ýardam eder.
ORIENT news
