Türkmenistan MA-da we Sinszýanda syýahatçylyk babatynda hyzmatdaşlyk boýunça Alýansy döretmäge gatnaşýar
Türkmenistanyň syýahatçylyk agentlikleriniň wekilleri Merkezi Aziýada syýahatçylyk babatynda hyzmatdaşlyk etmek boýunça Sinszýan alýansynyň döredilýändigi baradaky resminama gol çekdiler, ol agzalaryň serişdelerini we olaryň pudagy dolandyrmak tejribesini öwrener – diýip, CCTV habar berýär.
Gol çekmek dabarasy Hytaýyň awtonom sebitinde — Hytaýyň günbataryndaky Sinszýanda syýahatçylygyň ösdürilmegine bagyşlanan maslahatyň çäklerinde bolup geçdi. Duşuşygyň barşynda dürli işewürlik düzümleriň we döwlet kärhanalarynyň arasynda dürli ugurlardaky köp millionly şertnamalara gol çekildi.
Çärä Türkmenistanyň, Özbegistanyň, Gazagystanyň, Täjigistanyň we Gyrgyzystanyň esasy syýahatçylyk bölümleri gatnaşdylar. Resminama tarapyndan syýahatçylyk gorlarynyň bahalandyrmasynyň geçirilmegi, syýahatçylyk bazarynyň syny, ösüş görkezijileriniň çaklamasynyň we seredilýän ugurdaky beýleki esasy görkezijileriň çaklamasynyň geçirilmegi göz öňünde tutulýar.
Taraplar şeýle hem syýahatçylyk pudagynda hyzmatdaşlyk etmäge we bölüm-agzalaryň arasynda alyş-çalyşa ýardam etmäge ylalaşdylar, şeýle hem olaryň arasynda milli alşygy höweslendirmek barada ylalaşdylar.
ORIENT habarlar
