Amerikan suratkeşi Eými Erikson TDÇA-nyň talyplary üçin ussatlyk sapaklaryny we leksiýalary geçirer
Meşhur amerikan suratkeşi Eými Erikson Aşgabada geldi we eýýäm Türkmenistanyň Döwlet çeperçilik akademiýasynyň talyplary üçin ilkinji ussatlyk sapaklaryny we leksiýalary berýär. Bu baradaky maglumaty Amerikanyň Birleşen Ştatlarynyň Türkmenistandaky diplomatik wekilhanasy berýär.
ABŞ-dan gelen suratkeş zenan häzirki zaman nakgaşlygyndan sapaklary berer, şeýle hem dürli sergilere gatnaşar. Onuň Türkmenistana sapary 10 gün dowam eder.
Eými Erikson — dünýä derejesindäki abstrakt realizmiň nakgaşydyr, onuň hasabynda 90-dan gowrak dürli derejelerdäki halkara baýraklary bar. Ol Parižde doguldy, häzir bolsa ABŞ-nyň Portlend şäherinde ýaşaýar.
Ol GDA ýurtlarynda geçirilen plenerlere (açyk howada surat çekmelere) birnäçe gezek gatnaşypdy.
ORIENT habarlar
