Şweýsariýada demir ýoluň içinde gün panellerini oturtmagy meýilleşdirýärler
Sun-Ways şweýsar startapy demir ýollarda gün panellerini oturtmak boýunça taslamany ýerine ýetirmegi meýilleşdirýär. 60 panel Býutt demir ýol menziliniň çäginde 46,2 metr ýer böleginde relsleriň arasynda ýerleşdiriler.
Oturtmak prosessi iki wagondan ybarat bolan ýörite otly sebäpli doly awtomatlaşdyrylan bolar. Olaryň birinde paneller durar, beýlekisi bolsa olary ýerine goýar. Gerek bolan halatynda şu otlynyň panelleri aýryp bilýändigini belläp geçmelidiris.
Birinji tapgyrda işlenip öndürilýän ähli elektrik energiýasy öý hojalyklary tarapyndan sarp ediler, soňra bolsa onuň bir bölegi elektrik otlylaryna gönükdiriler.
Sun-Ways kompaniýasynyň bilelikdäki esaslandyryjysy Batista Denihertiň bellemegine görä, taslamanyň üstünlikli ýerine ýetirilen halatynda 750 müň öý hojalyklarynyň elektrik energiýasyna bolan islegini kanagatlandyrmak mümkinçiligi bolar. Sebäbi tutuş 5000 kilometrlik tor paneller bilen örtülenden soňra her ýylda 1 gigawatta çenli elektrik energiýasy öndüriler.
Bahasy $560 müň dollara deň bolan taslamany tomsuň dowamynda tamamlamak meýilleşdirilýär.
Taslamany ýerine ýetirmek işinde Sun-Ways kompaniýasynyň inženerlerine tehniki meseleleriň birnäçesini çözmek gerek bolar. Bu geçip barýan otlylar tarapyndan panelleriň hapalanmagy we panellerden torlara birikdirýän nokatlara çenli uzak aralykdyr.
ORIENT habarlar
