BMG-niň Baş Assambleýasy 12-nji iýuly gum we tozan tupanlaryna garşy göreşmegiň Halkara güni diýip yglan etdi
BMG-niň Baş Assambleýasy 12-nji iýuly Çäge we tozan tupanlaryna garşy göreşmegiň halkara güni diýip yglan etdi we bu hadysalara garşy göreşmek we olaryň täsirini gowşatmak üçin global we sebitleýin hyzmatdaşlygyň zerurdygyny belledi.
Assambleýa degişli kararda BMG-a agza ähli ýurtlary we beýleki gyzyklanýan taraplary bu Halkara güni milli ileri tutulýan ugurlara esaslanmak bilen, adamzadyň saglygy we abadançylygy üçin şeýle tupanlara garşy göreşmegiň möhümdigi barada jemgyýetçiligiň habarlylygyny ýokarlandyrmaga; toprakdan durnukly peýdalanmak we dolandyrmak işine ýardam bermäge; azyk howpsuzlygyny we howanyň durnuklylygyny ýokarlandyrmaga gönükdirilen bilim we jemgyýetçilik çäreleri arkaly bellemäge çagyrdy.
Mundan başga-da, Assambleýa rezolýusiýanyň durmuşa geçirilmeçinden gelip çykyp biljek ähli işleriň çykdajylarynyň meýletin goşantlar, şol sanda hususy pudagyň goşantlary bilen tölenmelidigini aýtdy.
Çäge we tozan tupanlary çölüň üstünden gaty yssy howa atmosferanyň aşaky gatlaklarynda durnuksyzlyga sebäp bolanda ýüze çykýar, netijede köp mukdarda boş çäge göterip, ony ýüzlerçe, käte müňlerçe kilometre göçürýän güýçli ýeller emele gelýär. Ýeriň zaýalanmagy, çölleşmegi we howanyň üýtgemegi meseläni hasam kynlaşdyrýar. Bu tebigy hadysa zerarly, Demirgazyk Afrika, Arap ýarym adasy, Merkezi Aziýa we Hytaý ýaly gurak we ýarym gurak sebitlere has-da köp zyýan ýetdi.
Hünärmenleriň pikiriçe, bu hadysanyň ýüze çykmagyna we çylşyrymlaşmagyna, esasan suwuň aşa köp sarp edilmegine we suw desgalarynyň guramagyna getirýän tebigy we adam faktorlary sebäp bolýar.
ORIENT news
