Aşgabadyň Ýewraziýa ykdysady birleşigi bilen hyzmatdaşlygy ulag babatynda strategiki gönükdirilenlige eýe bolýar
Türkmenistanyň Ýewraziýa ykdysady birleşigi bilen söwda-ykdysady we maýa goýum hyzmatdaşlygy ulag-logistika ulgamynyň döremeginde strategiki gönükdirilenlige eýe bolýar.
Bu barada Türkmenistanyň Ministrler Kabinetiniň Başlygynyň maliýe, ykdysadyýet we bank guramalary boýunça orunbasary Hojamyrat Geldimyradow Soçide geçen Ýewraziýa hökümetara geňeşiniň giňeldilen mejlisinde nygtady – diýip, TASS habar berýär.
Şeýle hem türkmen wekiliýetiniň baştutany Türkmenistanyň «Merkezi Aziýa — Hazar — Gara deňiz» we «Merkezi Aziýa — Pars aýlagy» ugurlaryny ösdürmäge gönükdirilendigini, munuň bolsa gyzyklanýan döwletleriň arasynda ýük akymlaryny işjeňleşdirmäge kömek etjekdigini aýtdy. Hususan-da, gürrüň MA, Hytaý we Ýewropa sebiti barada gidýär.
Mundan başga-da, Türkmenistanyň Ýewraziýa ykdysady birleşiginiň ýurtlary bilen görkezijileri hem aýdyldy:
«2022-nji ýylyň jemleri boýunça Türkmenistanyň Ýewraziýa ykdysady birleşiginiň ýurtlary bilen daşary söwda dolanyşygy 2021-nji ýyl bilen deňeşdirilende 10,7% artdy. Şu ýylyň 4 aýynyň dowamynda bolsa haryt dolanyşygy geçen ýylyň degişli döwri bilen deňeşdirilende 9,2% artdy», — diýip, Geldimyradow belledi.
Şeýle hem, onuň sözlerine görä, Türkmenistan Ýewraziýa ykdysady birleşigine möhüm söwda-ykdysady hyzmatdaşlaryň biri hökmünde garaýar.
ORIENT habarlar
