ŞHG-nyň agza-ýurtlarynyň KHBS-niň wekilleri Hytaýyň Sinszýan-Uýgur awtonom etrabyna baryp gördüler
Şanhaý hyzmatdaşlyk guramasynyň agza-döwletleriniň milli köpçülikleýin habar beriş serişdeleriniň wekilleri tanyşdyrylyş sapary bilen Hytaýda boldular.
Media-sapar ŞHG-nyň Hoşniýetli goňşuçylyk, dostluk we hyzmatdaşlyk boýunça komiteti tarapyndan guraldy. Medianyň 20 wekili Urumçy şäherine – HHR-nyň Sinszýan-Uýgur awtonom etrabyndaky şäher okrugyna baryp gördüler, «Bir guşak – bir ýol» başlangyjynyň çäklerinde onuň sosial-ykdysady ösüşiniň şaýatlary boldylar.
Olar etrabyň söwda nokatlarynda boldular, Urumçynyň halkara portuna we okrugyň beýleki önümçilik nokatlaryna baryp gördüler.
«Bu günki günde Sinszýan öňkilere garanda has gülläp ösýän we durnukly sebitdir we onuň üstünligine durnukly ösüş ýardam edýär» - diýip, Sinszýan-Uýgur awtonom okrugynyň jemgyýetçilik aragatnaşyklary bölüminiň başlygynyň orunbasary Şi Leý tanyşdyrylyş saparyna gatnaşyjylara özüniň ýüzlenmesinde belledi.
ORIENT habarlar
