Plastik galyndylar boýunça bütindünýä şertnamasynyň taslamasyny 2024-nji ýylyň aýagyna çenli taýýarlarlar
Parižde plastik bilen hapalanmak boýunça Hökümetara gepleşikler komitetiniň ikinji sessiýasynda 175 ýurduň wekilleri plastik zyňyndylary boýunça halkara şertnamasynyň taslamasyny geljek ýylyň aýagyna çenli işläp düzmek boýunça kararnamany kabul etdiler.
Bu häzirki zamanyň iň ýiti meseleleriniň birini çözmek ýolundaky wajyp ädimdir. Gepleşiklere gatnaşyjylarynyň maksady — dünýäde plastigiň her ýylky çykarylyşyny kemeltmekdir.
Plastik hapalanmasynyň çalt ösýän derejesi durnukly ösüşiň dürli ugurlaryna tersin täsir edýär. Her ýylda dünýä boýunça 400 million tonnadan gowrak plastik öndürilýär. Şeýle depginler bilen, Ykdysady hyzmatdaşlyk we ösüş guramasynda habar berişleri ýaly, 2060-njy ýyla çenli öndürilýän plastigiň möçberi üç esse artar.
ÝUNESKO-nyň ştab-kwartirasyndaky duşuşygyň barşynda Ýabany tebigatyň Bütindünýä gaznasynyň bilermenleri hökümetleri howply plastigiň öndürilmegini gadan etmegi borçlandyrýan bütindünýä resminamasyna gol çekilmeginiň zerurdygy barada, ony gaýtadan işlemegi höweslendirmek, şeýle hem galyndylary rejeli gaýtadan işlemek barada bellediler.
ORIENT habarlar
