Türkmenistanyň ýaşlar futbol topary (U-23) Aziýa kubogy-2024-iň saýlama ýaryşynda garşydaşlaryny tanady
Kuala-Lumpurda Ýaşlar Aziýa-2024 kubogynyň saýlama tapgyry üçin bije atyldy. Türkmenistanyň Olimpiýa topary (U-23) Indoneziýa bilen Taýwanyň bäsdeşi boljak K toparyna girdi diýip, ýurdumyzyň Futbol federasiýasynyň resmi saýty habar berýär.
Bije atyşlygyň netijesinde 43 topar 11 topara bölündi. Toparyň ýeňijileri, şeýle hem ýaryşda ýeňiji bolanlaryň arasynda iň oňat dört topar geljek ýyl Katarda geçiriljek Aziýa kubogy-2024 finalyna giriş gazanarlar.
Aziýa kubogy-2024 (U-23) saýlama ýaryşynyň bije atyşyk netijeleri:
• A topar: Iordaniýa (toparyň eýesi), Siriýa, Oman, Bruneý.
• B topar: Koreýa Respublikasy (toparyň eýesi), Mýanma, Gyrgyzystan, Katar.
• C topar: Wýetnam (toparyň eýesi), Singapur, Ýemen, Guam.
• D topar: Ýaponiýa, Bahreýn (toparyň eýesi), Palestina, Pakistan.
• E topar: Özbegistan (toparyň eýesi), Eýran, Gonkong, Owganystan.
• F topar: Yrak, Kuweýt (toparyň eýesi), Gündogar Timor, Makao. • G topary: BAE, Hindistan, Maldiwler, Hytaý (toparyň eýesi).
• H topar: Taýland (toparyň eýesi), Malaýziýa, Bangladeş, Filippinler.
• I topar: Awstraliýa, Täjigistan (toparyň eýesi), Laos, Demirgazyk Koreýa.
• J topar: Saud Arabystany (toparyň eýesi), Kamboja, Liwan, Mongoliýa.
• K topar: Türkmenistan, Indoneziýa (toparyň eýesi), Taýwan.
ORIENT news
