Türkmenistan BMG-niň jenaýatçylygyň öňüni almak boýunça komissiýasynyň 32-nji sessiýasyna wekilçilik etdi
Ýurduň baş prokurorynyň orunbasary Begenç Gurbangulyýewiň baştutanlygyndaky Türkmenistanyň wekiliýeti BMG-niň jenaýatçylygyň öňüni almak we jenaýat adalaty boýunça komissiýasynyň (CCPCJ) Wenada geçýän 32-nji sessiýasyna gatnaşýar.
Münberden çykyş etmek bilen, türkmen wekiliýetiniň baştutany transmilli guramaçylykly jenaýatçylyga garşy göreşmekde ýurduň halkara we sebitleýin hyzmatdaşlygyny öňe sürmekdäki oňyn orny barada belledi.
CCPCJ-niň bu ýyldaky nobatdaky sessiýasynyň temasy «Adalata we howpsuz we goragly jemgyýete elýeterliligi üpjün etmek maksady bilen jenaýat adalatlygy ulgamynyň işlemeginiň netijeliligini ýokarlandyrmak» boldy. Sessiýa öz işini 26-njy maýa çenli dowam eder.
Mejlisiň barşynda Maksatlar 16 — Durnukly ösüşiň bähbitleri üçin parahatçylyk söýüji we açyk jemgyýeti gurmaga ýardam etmek, hemmeler üçin adalatlyga elýeterliligi üpjün etmek we ähli derejelerde netijeli, hasabatly we giň köpçüligiň gatnaşmagyna esaslanýan edaralaryň döredilmegine – aýratyn üns berildi.
CCPCJ BMG-niň jenaýatçylygyň öňüni almak we jenaýat adalatlygy babatyndaky baş direktiw edarasydyr. Ol döwletlere milli we halkara strategiýalary işläp düzmek we jenaýatçylyga garşy göreşde ileri tutmalary kesgitlemek maksady bilen, bilimleri we tejribeleri alyşmak üçin meýdançany berýär.
ORIENT habarlar
