ÝB-niň Türkmenistandaky wekilhanasy sport marafonyny we futbol ýaryşyny geçirer
Maý 24, 2023 | 12:21 |8009
Ýewropa Birleşiginiň Türkmenistandaky wekilhanasy biziň ýurdumyz bilen diplomatik gatnaşyklaryň ýola goýulmagynyň 30 ýyllygyna bagyşlanan sport çäreleriniň birnäçesini geçirer.
Çäräni 26-njy maýda sagat 08:30-da Aşgabat stadionynda geçirmek meýilleşdirilýär. Gatnaşmak üçin öňünden ýazylmak gerek däl.
Çäräniň maksatnamasynyň esasy bölegine #Runylga marafony girer, hususan-da, 5 km, 10 km, 15 km we 20 km aralyklara ylgawlar geçiriler. Mundan başga-da, mini-futbol boýunça ýaryşyň geçirilmegine garaşylýar, ol Türkmenistanyň Futbol federasiýasy bilen bilelikde guralýar.
Bu çärä türkmen blogerleriniň birnäçesiniň gyzyklanma bildirendigini belläp geçýäris.
ORIENT habarlar
