Ermenistanda Türkmenistanyň Medeniýet günleri geçiriler

Maý 24, 2023 | 16:18 |7032

31-nji maýdan 2-nji iýun aralygynda Ermenistanda Türkmenistanyň Medeniýet günleri geçiriler. Bu barada Türkmenistanyň Ermenistandaky ilçihanasynyň Instagramdaky sahypasynda habar berilýär.

Medeniýet günleri Türkmenistanyň sungat işgärleriniň Ýerewandaky Aram Haçaturýan adyndaky Konsert zalynda gala-konsert bilen açylar.

Medeni çäreleriň maksatnamasyna Owanes Şarambeýan adyndaky Halk sungaty muzeýinde türkmen amaly-haşam sungatynyň sergisini geçirmek, Ermenistanyň Kinoişgärleriniň birleşmesinde «Magtymguly» çeper filminiň görkezilişi girizilendir.

Medeniýet günleri Artaşat şäheriniň Amo Hazarýan adyndaky Drama teatrynda türkmen artistleriniň jemleýji konserti bilen tamamlanar.

ORIENT habarlar