Russiýanyň Soçidäki uniwersiteti Türkmenistanyň ýaşlaryny stipendiýalaýyn meýilnama gatnaşmaga çagyrýar
Russiýanyň Halkara olimpiýa uniwersiteti (RIOU) türkmenistanly ýaşlary stipendiýa meýilnamasy boýunça okamaga çagyrýar. Bäsleşigiň ýeňijileri 2023-2024-nji okuw ýylynda “Sport dolandyryş ussady” kursyny geçerler.
Stipendiýa üçin islendik milletiň wekili bolan dalaşgärler ýüz tutup bilerler. Bu maksatnama okuw we ýaşaýyş çykdajylaryny öz içine alýar we her aýda 10 000 rubl kömek puluny berýär.
Resminamalar 31-nji iýula çenli tabşyrylmaly. Dalaşgärler Zoom platformasy arkaly uniwersitetiň wekilleri bilen söhbetdeşlik geçerler. Ýeňijileriň atlary ýerleşdirilen sanaw 2023-nji ýylyň 8-nji awgustynda RIOU saýtynda çap ediler. Saýlanan stipendiýa eýeleri uniwersitet ýolbaşçylaryndan tassyklama hatlaryny hem alarlar.
Programma barada has giňişleýin maglumat üçin salgy boýunça geçmeli.
Russiýanyň Halkara olimpiýa uniwersiteti (RIOU) şu görnüşli dünýädäki ilkinji ýokary okuw jaýydyr. Uniwersitetiň işi Russiýanyň we dünýä sport pudagy üçin sport dolandyryşy, şeýle hem Olimpiýa we Paralimpiýa hereketleri boýunça hünärmenleri taýýarlamaga gönükdirilendir. Uniwersitet Soçi şäherinde (Russiýa Federasiýasy) ýerleşýär.
ORIENT news
