Türkmenistanda Adam hukuklarynyň ählumumy jarnamasynyň 75 ýyllygyny bellärler
BMG-niň Adam hukuklary boýunça Ýokary komissarlygyň Merkezi Aziýa boýunça müdirligi türkmen ýaşlarynyň adam hukuklary babatynda bilimlerini giňeltmäge gönükdirilen okuwy geçirdi.
Oňa DÖM-nyň ýaş ilçileri, MAÖADSM-niň Öňüni alyş diplomatiýasy akademiýasynyň uçurymlary, şeýle hem ýurduň ýokary okuw mekdepleriniň talyplary gatnaşdylar. Olar adam hukuklary konsepsiýasy babatynda öz bilimlerini giňeltdiler, deň we aýrylmaz hukuklaryň üpjün edilmegine halkara çemeleşmeleri bilen tanyşdylar.
Seminar «Türkmenistan-Aşgabat-BMG moduly» çäresine taýýarlyk görmegiň çäklerinde guraldy, ony güýzde beýleki ugurdaş halkara guramalary bilen hyzmatdaşlykda geçirmek meýilleşdirilýär. Çäre Adam hukuklarynyň ählumumy jarnamasynyň 75 ýyllygyna bagyşlanar, ol BMG-niň Baş Assambleýasynyň 3-nji sessiýasynda 1948-nji ýylyň 10-njy dekabryndaky rezolýusiýa bilen kabul edilipdi.
ORIENT habarlar
