Özbegiýanyň Namangan şäherinde halkara gül festiwaly açyldy
Adaty gül festiwaly şu ýyl Namangan şäherinde 62-nji gezek açyldy. Hoşboý ysly we owadanlygy boýunça ajaýyp baýramçylyk täze güller bilen bezelen ulaglaryň gatnaşan awtomobil korteži bilen başlandy. 200- den gowrak awtoulag - seýrek modeller, retro stilindäki awtoulaglar, häzirki zaman jipler, ýük awtoulaglary, gurluşyk we hatda kombaýnlar welaýat merkeziniň köçelerinden geçdiler. Olar, dürli görnüşli geň nagyşlary we bezegleri döreden 30 müňden gowrak täze güller bilen bezelipdir, - diýip «Dunýo» habarlar agentligi habar berýär.
Zahiriddin Muhammad Babur adyndaky şäher seýilgähi festiwalyň esasy ýerine öwrüldi. 8 gektar meýdanda Özbegistanyň welaýatlaryndan, şeýle hem 50 daşary ýurtdan 250 gülçiler gülçilik sungatyny görkezýärler. Ikebana b sungatynyň ussatlary we peýzaž dizaýnerleri hem öz eserlerini görkezdiler.
Namangandaky gül festiwaly 1961-nji ýyldan bäri geçirilip gelinýär we ajaýyp waka hasaplanýar. Bu görkezişe tomaşa etmek üçin 52 ýurtdan daşary ýurtly myhmanlar we jahankeşdeler geldiler. Festiwal 21-nji iýuna çenli dowam eder.
ORIENT news
