Rally Muynak awtoulag ýaryşynyň ugry Aral deňziniň düýbi boýunça geçer
25-nji maýdan 28-nji maý aralygynda Özbegistanda Rally Muynak halkara ekstremal awtoulag ýaryşy, şeýle hem elektron saz reýwleri geçer. Podrobno.uz agentliginiň habar bermegine görä, 425 kilometrlik ýaryş ýoly Garagalpagystanyň Muynak etrabyndan geçýär, bu aralygyň köp bölegi - Aral deňziniň gury düýbüniň we Üstyurt düzlüginiň üstünden geçýär.
Motokross we awtokross (baggi) ýaryşlary ýörite ýolda geçiriler. Ýaryş 4 gün dowam eder - gündizlerine sport awtoulaglarynda, baggi we motosikllerde ýaryşlar, ökde aşpezleriň ussatlyk bilen tagam taýýarlaýyş şoulary we agşamlaryna meşhur didžeýleriň elektron aýdym-saz konsert programmalary bolar.
Şu ýylky awtoulag ýaryşyna 150 töweregi türgen, 40-dan gowrak awtoulag, 20 motosikl we 10 sany baggi gatnaşar diýlip garaşylýar.
ORIENT news
