Aşgabat galereýasynda maryly suratkeşleriň eserleriniň sergisi açylar
Maý 20, 2023 | 19:08 |10972
23-nji maýda Aşgabatda «Sazlaşygyň yşgynda» atly şekillendiriş sungaty sergisi açylar. Sergi Türkmenistanyň Suratkeşler bileleşiginiň Sergi merkeziniň galereýasynda gurnalyp, bu ýerde Mary welaýatynyň sungat usssatlarynyň žiwopis we grafika eserleri görkeziler.
Aşgabat şäheriniň ýaşaýjylary we paýtagtyň myhmanlary suratkeşler - Şöhrat Berdiýewiň, Merdan Akmämmedowyň we Gurbandurdy Tirkesowyň ajaýyp eserlerine baha berip bilerler. Olar diňe mowzuklary däl, eýsem ýerine ýetiriliş usuly bilen hem tapawutlanýan dürli stildäki we žanrdaky eserleriň 200-e golaýyny hödürlärler.
Sergi 23-nji maýda sagat 16:00-da açylar we 1-nji iýuna çenli dowam eder.
ORIENT news
