Aşgabatda Dünýä ykdysadyýeti boýunça halkara olimpiadasy geçirildi
Aşgabatda Türkmen döwlet ykdysadyýet we dolandyryş institutynda "Dünýä ykdysadyýeti" dersi boýunça açyk halkara internet olimpiadasy geçirildi. Bäsleşige diňe bir türkmen ýokary okuw mekdepleriniň talyplary däl, eýsem institutyň ýörite "Moodle" platformasynyň üsti bilen onlaýn birikme arkaly birnäçe daşary ýurt uniwersitetleriniň talyplary hem gatnaşdylar.
Iň oňat netijeleri Olimpiadanyň "ýer eýeleri" - Türkmen döwlet ykdysadyýet we dolandyryş institutynyň talyplary, şeýle hem Kazan federal uniwersitetiniň we Belarus sarp edijiler kooperatiwleriniň söwda-ykdysady uniwersitetiniň talyplary görkezdi.
Dogry ýerine ýetirilen ýumuşlara ballar berildi. Ýeňijiler umumy bahalaryň sany boýunça kesgitlenildi: Bäsleşigiň netijelerine görä, 1-nji ýere 9 gatnaşyjy, 2-nji ýere - 10 we 3-nji orna - 20 talyp mynasyp boldy.
ORIENT news
